%$( الــــــــــــوداع)$%

الوداع يا حبري ويا ذيك الاوراق .. الوداع يا اغلى الحروف والمعاني

الوداع ياحب(ن) سكن في الاعماق .. الوداع يا بمسة حياتي وحناني

الوداع يا حزني ويا ذيك الاعواق .. الوداع يا سبب همي وأحزاني

شاورت قلبي واختار لي الفراق .. ببتعد من معاناتي ولوعة زماني

ياعين لاتبكين ترا الدمع حراق .. ويا قلب عيش في صدري اناني

ويا نفس عانج الله على الاشواق .. اتصبري ترا العمر يا نفس فاني

يا ذاك المكان ابقى على الميثاق .. بلغ الخلان احترامي وكل امتناني

يا احساسي عاند نفسك لا تشتاق .. زعل الكل بس لا تخليني اعاني

ذقت سمهم وما اسعفوني بترياق .. اتعبت نفسي بحبهم والله بلاني

ولا واحد منهم يستاهل الاشواق .. بصد عنهم و ببتعد في ثواني

حبهم تعب وقربهم لا ما ينطاق .. الحمد لله اللي من حبهم عفاني

بحرق كل اللي انكتب في الاوراق .. وبرمي فبحرهم همي واحزاني

برحل ومستحيل ارد الهم واشتاق .. برحل ومستحيل احب من ثاني .